كل ذنبي حبيته ووثقت فيه وسلمته

انا بقي دخلت في حالة اكتئاب وما بقتش عارفه حتي اطلع منها وديما ساكته او بعيط واللي زاد همي هموم اكتر اني طلعت حامل، بقيت بعد كده بداري بطني لما كبرت والبس هدوم واسعه واهلي كده كده ما حدش كان بياخد باله مني حتي لو بمۏت من التعب..

بس اللي اخدت بالها من بطني ومن تعبي وحركتي المختلفه بسبب الحمل واحده جارتنا كانت حشريه اووي وديما بتحب تعرف كل حاجه عن غيرها، وكانت بتقولي في وشي مين اللي غلط معاكي وشايله شيلته في بطنك..

ما كنتش برد عليها وكنت بعمل نفسي مش سامعه هي بتقول ايه، وعدت فترة الحمل بتاعي البي ما كانش حد. يعرف بيه اصلا بس انا عرفت فيها ان انا اللي غلطت ما في الآخر بقيت لوحدي اهو وكمان بهم ما يتلم....

ويوم ما كنت بولد تعبت اووي طلع تعب الولاده صعب جدا غير ما كنت فاكره وما منتش قادره اتحمل واهلي كلهم كانو في الشغل، وما كانش قدامي غير جارتي انا روحتلها وقالتلها اني بولد وهي كانت ساكنه لوحدها ودخلتني جوه وساعدتني اوولد وجيبت بنت كانت حلوه اووي..

بس فضلت اعيط وانا مش هقدر اكيد اخليها معايا دي لازم تختفي حالا من الدنيا كلها عشان ما حدش يعرف حقيقة اللي حصلي.. وطلبت من جارتي تاخدها ترميها قدام ملجأ..

وبعدين رجعت البيت بس لا روقته ولا عملت اكل ولا اي حاجه انا روحت نمت ولما جات امي شتمني وبهدلتني عشان ما عملتش حاجه في شغل البيت..

_تفتكرو انا السبب في اللي حصل ولا اهلي ولا اللي ضحك عليا ووهمني انه بيحبني ولا جارتي اللي خلت بنتي فريسه للكلاب والقطط الصعرانه؟..