عشق الادهم بقلم ماهي عاطف

سرقتيه منى ومش لاقيه فيترجعيه ياتكتبى رقمك
لوجين ابتسمت و اخدت الورقه كتبت له الرقم ودخلت وقفلت الباب
جاسر ابتسم هو كمان واخد الورقه ونزل دخل بيته وهو متاكد ان خلاص هى دى نصيبه ولازم تكون مراته
عند لورا كانت عماله تفكر ازاى هتجيب الورق من المعرض ومش عارفه تعمل ايه اتصلت بمعتز
لورا الو ايوا ياحبيبى
معتز ها ياحبيبتى خلاص

لورا ايوا بس فيه مشكله
معتز مشكلت ايه
لورا محمد اخد الورق حطه فى الخزنه الى فى المعرض وانا مش عارفه اجيبه ازاى
معتز بغيظ وانتى مكنتيش عارفه تخدى الورق منه بشويه دلع
لورا
لا معرفتش خۏفت يشك فيا اعمل ايه ياعنى دلوقت
معتز بعد تفكير طيب اسمعينى كويس وانا هقولك هنعمل ايه
لورا قول ياحبيبى
واتفق معها تعمل ايه علشان يقدروا يخدوا الورق من المعرض ويبقى معاها الاثبات ان المعرض والشقه ملكها
روا 
الحلقه الثامنه عشر 
بعد حوالى اسبوعين أدهم اتصل بهمس
أدهم الو ازيك ياهمس عامله ايه
همس الحمد لله
أدهم انا بتصل علشان كنت محتاج اعدى عليكى اخدك تبصى على الشقه فى حاجه عايزك تشوفيها
همس انا قولتلك ياأدهم اعمل الى انت عايزه انا عارفه ان زوقك حلو
أدهم بعصبيه فى ايه ياهمس كل لما اطلب رئيك فى حاجه تقولى نفس الجمله انتى لدرجادى مش فارق معاكى المكان الى هتعيشى فيه
همس مش قصدى ياأدهم انا بس كن
قاطعها أدهم خلاص ياهمس انتى حره يالا سلام
قفل معاه وهى فضلت مضايقه وبتأنب فى نفسها انتى غبيه ياهمس الراجل عمل علشانك كتير واستحمل اكتر وفى الاخر مش هاين عليكى تعملى حاجه واحده علشانه اعمل ايه دلوقت وبعد تفكير انا هتصل بيه ويارب يكون مش من النوع الى زعله وحش
واتصلت بيه ورد بزعل الو
همس مش عارفه تقول ايه أدهم انا آسفه مش قصدى والله ازعلك
أدهم على قد ماكان مضايق بس
فرح انها اهتمت بزعله واتصلت بيه لا ابدا مافيش حاجه تزعل اصلا
همس طيب هتعدى عليا امتى
أدهم ابتسم بس كمل فى تمثيل الزعل لا خلاص ماتشتغليش نفسك بالموضوع ده
همس ازاى ياعنى هو حضرتك مش عايزنى اشوف المكان الى هعيش فيه
أدهم وانتى عايزه تشوفيه اصلا ما انا بقالى كام يوم بطلب منك تيجى تشوفى الشقه وانتى كل يوم تردى بنفس الجمله
همس خلاص بقى ياأدهم يالا اقفل لما اجهز عبال ماتيجى يالا سلام
أدهم اول لما قفلت ضحك عليها وقال لنفسه ماشى ياهمس بتاخدنى فى دوكه طيب ياستى يانا يانتى
قام اخد مافتيحه ونزل يروحلها اما همس قفلت معاه وابتسمت للتلفون وقالت كده احسن لسه هقعد اصالح ساعه ايوا كده ياهمس خليكى جامده اما اقوم
البس قبل مايجى بس هو انا هروح لوحدى ازاى انا هاخد منه اهى ملقحه بره لبست وطلعت لمنه
همس بت يامنه قومى تعالى معايا
منه اجى معاكى فين
منه بصړيخ اااااه حرام عليكى بهزر معاكى دانتى مفتريه زى اختك
همس قومى يازفته البسى طرحتك علشان أدهم على وصول
منه حبت تغظها طب مايجى وايه يعنى لازم البس الطرحه قدامه
همس لا مش لازم خليكى كده وانا لما يجى اياد هقول
منه بصتلها بغيظ ربنا على الظالم ماشى ياختى
شويه وأدهم اتصل بيها وقالها تنزل نزلت همس وورها منه أدهم اول لما شاف منه قال لنفسه بضيق لدرجادى خاېفه تبقى معايا فى مكان لوحدنا
ركبوا العربيه وسلموا عليه وكان باين عليه انه مضايق همس افتكرته لسه مضايق من كلامها معاه سكتت لحد لما وصلوا الشقه وطلعوا
أدهم ها ايه رئيك
همس اعجبت بالشقه جدا بس حست انها كبيره قوى الشقه جميله قوى بس دى كبيره كده ازاى
أدهم اه ماهو ده الى عايز اورهولك انا اشتريت الشقه الى جنبى وفتحتها عليها ولحسن الحظ كانت متوضبه تقريبا شبيه لشقتى كده احسن من الاول صح
همس مشيت تتفرج على الشقه لقت المطبخ كبير ومتصمم على الطريقه الامريكيه وكل الى ممكن تحتاجه موجود ولقت اربع اوض فى اوضه منهم كبيره وفيها حمام خاص بيها غير الحمام الى بره الاوضه كانت وهم فى كل حاجه ومش ناقص الا انها تحط هدمها فيها وكملت فرجه على باقى الشقه وكل مكان بيبهرها اكتر بصت لأدهم
همس انت عملت
كل ده امتى ياأدهم
أدهم بصلها قوى مش عارف هو ليه مبيعرفش يزعل منها مجرد ما يبص لعنيها بينسى زعله بجهز فيها من يوم ماشوفتك
همس قلبها دق پعنف وانت عرفت منين انى هوافق
أدهم بص على منه لاقها مشغوله بتتفرج على البيت بص لهمس فى عنيها قلبى قالى انك هتوفقى وقلبى عمره ماكدب عليا
همس بزعل من نفسها بداريه بس انا يعتبر موافقتش ياأدهم
أدهم مسك اديها قولتلك قبل كده كفايه عليا ان انتوا تبقوا معايا فى بيت واحد دى اكتر حاجه ممكن تسعدنى ياهمس
همس كل شويه بتحس بالذنب اكتر بس مش عارفه تعمل ايه فى نفسها انا اسفه ياأدهم انى مش قادره اسعدك
أدهم ياحبيبتى
اسفه على ايه!! انا بحبك ياهمس والى بيحب حد بيكتفى بوجوده معاه فى مكان واحد الحب مش علاقه بين اتنين وخلاص ياهمس الحب انك تتحمل حبيبك فى كل احواله مهما عمل
همس مهما عمل ياأدهم
أدهم ابتسم مهما عمل بدال هنا فى حب وشاور على قلبها هتلاقى نفسك بتسامحى على طول من غير تفكير
همس بس فى حاجات الحب مابيسمحش فيها ياأدهم زى الخيانه
أدهم الى بيخون ياهمس يبقى عمره ماحب الى خانه ابدا لان لو حبه بجد مابيشوفش غير حبيبه
همس بصتله كتير ومردتش عليه ادهم لما سكوتها طال
اتكلم هو وحب يغير الموضوع المهم فى حاجه عايزه تغيريها
همس لا هو ممكن يكون فى حاجه احلى من كده
أدهم قرب عليها اه فيه انتى
همس اتكسفت ودورت وشها نادت على منه وبصت لأدهم
همس لسه فى حاجه تانيه
أدهم لا خلاص بدال كل حاجه عجباكى يبقى تمام فاضل حاجات بسيطه تخلص وتبقى الشقه جاهزه
همس لمنه طيب يالا بينا يامنه علشان منتاخرش على العيال بصت لادهم انت هتيجى معانا ولا لسه فى حاجه هتعملها هنا
أدهم لا طبعا هاجى اوصلكم يالا
اخدهم ونزل وصلهم ومرداش يطلع قالهم انوا عنده شغل ومشى هو
عدى باقى الشهر مابين تجهيزات الشقه واحتياجات همس الى هناء اصرت تجبهالها كانها عروسه لسه جديده
ليله كتب الكتاب أدهم اجى لهمس وجابلها صندوق كبير وعطاه ليها ومشى من غير ميتكلم
دخلت همس فتحت الصندوق وانبهرت بالى جواه كان جواه فستان اوف وايت مش منفوش بس شبه فساتين العرايس ومعاه كل احتياجاته من طرحه وجذمه وكل حاجه وكان معاه ورقه فتحتها
وقراتها
انا عارف انك هتعترضى زى العاده على الفستان بس
ده طلبى الوحيد ليكى انك تلبسيه بكره انا مش هغصب عليكى لو مش عايزه براحتك بس لو ليا غلاوه عنك حتى لو بسيطه هتلبسيه أدهم
همس قرت الورقه وابتسمت ومسكت الفستان وقالت لنفسها دى اقل حاجه افرحه بيها
تانى يوم الكل جهز وهمس كمان جهزت مردتش تروح لكوافير ورغم كده كانت جميله لدرجه الكل تنحلها أدهم وصل وطلع ياخدها اول ماهمس طلعت من الاوضه أدهم وقف مصډوم من جمالها وبص على الفستان وفرح جدا انها لبسته قرب عليها
أدهم بصوت واطى انا متشكر انك مكسفنيش ولبستى الفستان بس مكنش اعرفه انه هيبقى بالجمال ده عليكى
همس بكسوف بجد حلو
أدهم بص لعنيها قوى ده حلو لدرجه انى بفكر ما نزلكيش من هنا انتى مابصتيش فى المرايا ولا ايه
همس ابتسمت وركزت معاه كان وسيم لدرجه تخوف هى معقول هتعيش معاه فى بيت واحد طب تمنع قلبها عنه ازاى
أدهم بغيظ منه يالا ياخويا
نزلوا وراحوا مطعم كبير جوه فندق مشهور جدا
همس استغربت انوا فاضى أدهم هو فاضى ليه
أدهم انا حجزته كله ماهو مش معقول هخلى ناس غريبه معانا
همس بس ده غالى قوى ليه كده
المؤذون خلص وشريف وفارس ماضوا على القسيمه كشهود
حنين ومنه زغرتوا وأدهم قام لبسها شبكتها وبعدها اعدوا كلهم مع بعض اتعاشوا على انغام الموسيقى
حور قامت قربت من أدهم بابا انت كده بقيت بابايا بجد صح
حور ومش هتسيبنا ابدا ابدا
أدهم ابدا ابدا لحد مااشوفك عروسه حلوه كده زى ماما واجوزك بنفسى
حور انا عايزه اجوز واحد شبهك بالضبط ويكون حلو زيك
كلهم ضحكوا عليها ادهم قالها حاضر من عنيا انتى تأمرى ياأميره حور
أدم كمان جاله وانا يابابا عايس ادوزعايز اجوز
أدهم ضحك قوى ياسلام بس كده اجوزك من بكره بس فى مشكله صغيره
أدم مسكلت ايه دى
أدهم هنجيب واحده تفهم لغتك منين
الكل ضحك قوى
وادم مش فاهم هو قصده ايه انا مس فاهم حاده
أدهم والله ياادم ولا انا تعالى جنبى لما ااكلك احسن
أدم قعد جنبه ماسى احسن بيدهماشى احسن برده
كملوا قعدتهم وكانت كلها هزار وضحك وكانوا كلهم مبسوطين جدا وفى اخر السهره الكل باركولهم وأدهم اخد همس وحور وأدم الى صمم يخدهم معاه وميسبهمش ولا حتى يوم
أدهم كالعاده دخل بالاتنين نايمين دخلهم على اوضتهم وطلع لقى همس لسه وقفه فى الانتريه مش عارفه تروح فين
أدهم استغرب انتى واقفه عندك ليه ياهمس
همس مش عارفه تقوله ايه وكل تفكريها ياترى هو عند وعده ولا هيرجع في كلامه ومع سكوتها الى طال أدهم فهم هى بتفكر فى ايه
أدهم مسك اديها
وخدها على الاوضه فتح الباب ډخلها ودخل ورها كل ده وهمس مش مستوعبه هو بيعمل ايه لحد ماوقف قصدها وقالها
أدهم بصوت هادى همس انت لسه متعرفيش طبعى ولا اخلاقى ايه بس احب اعرفك حاجه مهمه عنى انا عمرى ماارجع فى وعد وعدته ابدا حتى لو فيه حياتى
همس ساكته بتسمعه وبس
ادهم
كمل كلامه دى هتبقى اوضتك وانا هنام فى الاوضه التانيه بس علشان محدش يلاحظ حاجه فمش هينفع انقل حاجتى وهدومى هناك فاهسبها هنا لو مش هيضيقك
همس بصتله قوى أدهم انت ازاى كده
أدهم ابتسم كده ازاى يعنى
همس عيونها دمعت انا عمرى ما تخيلت ان فى فى الدنيا راجل زيك فى اخلاقك ورجلتك يارتنى كنت
همس سكتت ومكملتش كلامها بصت للارض و دموعها نزلت أدهم قلبه وجعه عليها وعرف قد ايه هى موجوعه وفهم هى كانت عايزه تقول ايهيارتها كانت قابلته من زمان
أدهم رفع وشها مسح دموعها بلاش دموع ياهمس مافيش حاجه تستاهل دموعك دى ابدا وصدقينى كل حاجه انشاء الله هتبقى احسن
همس ابتسمت
انشاء الله
أدهم مقدرش يقف قصدها اكتر من كده مش ضامن نفسه راح فتح الدولاب اخد هدومه وقالها طيب انا هروح انام تصبحى على خير
همس وانت من اهل الخير
طلع ادهم وهمس فضلت باصه على الباب قلبها نفسه ينادى عليه يقوله خليك جنبى بس عقلها رافض وبيقولها كده احسن لينا وبعد صراع مع نفسها راحت غيرت هدومها ودخلت السرير واتمنت تقدر تنام بس التفكير فى أدهم مش عايز يسبها ابدا
عند أدهم دخل الاوضه